monumenta.ch > Seneca Maior > sectio 14

Word Selection for Searching

Report an Error in this Sectio
Seneca Maior, Controversiae, 10, 3, 14
ARGENTARIUS ait: nos ducem exoravimus, quorum liberi in diversis partibus fuerant; diximus: 'ignos(ce; licebit) nobis severis esse, si licuerit esse securis. ' Quid peccavi, quod filiam ex hostium castris venientem non primo verbo recepi? TURRINUS CLODIUS ait: volui fratrem sorori dare beneficium: 'eo durius loquar, ut ille me pro sorore sua deprecetur. ' Primum quare me solum rogat, cum debeat duobus satisfacere? SILO GAVIUS dixit: volui illam mora torqueri: 'sine' inquam 'et iterum et tertio roget; ne mitissimus quidem victor statim ignovit.'